Samsung және KMF серіктес болды

Алматыда Samsung Electronics Central Eurasia президенті Санг Юн Ким мен KMF Кредит департаментінің директоры Арман Аблайхан ынтымақтастық туралы меморандумға қол қойды.

KMF өз клиенттерінің мобильдік деңгейін арттыру үшін Samsung Galaxy A03s смартфондарын сатып алады. Бұл модель мобильді құрылғыларда қолайлылық пен сенімділікті бағалайтындарға арналған.

Сонымен қатар KMF Knox Configure бағдарламалық жасақтамасын сатып алады. Бұл – кәсіпорындарға Samsung құрылғысын қашықтан теңшеуге және өзгертуге мүмкіндік беретін бұлтты сервис. Бағдарламалық жасақтама мобильді құрылғыларды бизнестің нақты қажеттіліктеріне тез әрі оңай бейімдейді.

Жақын арада екі тарап мобильді құрылғылар паркін қашықтан басқаруға мүмкіндік беретін, бизнестің тиімділігін арттыратын және корпоративтік деректерді қорғайтын Knox Manage бағдарламалық жасақтамасының көмегімен KMF-тің ішкі процестерін цифрландыру жобаларын жүзеге асыруды жоспарлап отыр.