KMF басшысы Қазақстан Республикасы Ұлттық кәсіпкерлер палатасының Төралқасына сайланды.
ҚР «Атамекен» ҰКП-ның кезектен тыс өткен IX съезінде палата Төралқасының жаңа құрамы сайланды. Төралқаның бір мүшесі ретінде «Қазақстанның микроқаржылық ұйымдарының қауымдастығы» Директорлар кеңесінің Төрағасы және KMF МҚҰ Басқарма Төрағасы Шалқар Аманқосұлы Жүсіпов таңдалды. Оның жетекшілігімен микроқаржы ұйымымыз 25 жылға жуық уақыттан бері кәсіпкерлерге көмектесіп, қаржылай қолдау көрсетіп, Қазақстанда ғана емес, Орталық Азиядағы ең ірі МҚҰ болып отыр.
Қазақстанның микроқаржылық ұйымдарының қауымдастығы Төрағаны құттықтап үлгерді.
"Микроқаржы секторының өкілдері үшін бұл үлкен мәртебе және ел тағдырын ойлайтын нағыз кәсіпқойлардың жаңа командасы бизнестің мүдделерін ашық әрі тиімді түрде қорғайтынына шын жүректен сенеміз», - делінген құттықтауда!