KMF Банк жұмыс беруші бренд саласындағы халықаралық EMBRAS сыйлығының жеңімпазы!

KMF Банк жобасы EMBRAS халықаралық сыйлығының «Инновациялар» номинациясы бойынша бірінші орынға ие болды, марапаттау рәсімі Ташкент қаласында өтті.

KMF Банк HR департаментінің директоры Гүлнара Саитова сарапшылар мен қатысушылар алдында «AI Skill-to-Performance: қызметкерлердің дағдыларын дамыту және нәтижелілігін басқаруға арналған жасанды интеллект жүйесі» жобасын таныстырып, оны сәтті қорғады.

Жоба банк командасы әзірлеген AIdana AI-тәлімгерін, AI-тренерді және AI-бейімдеу құралын қамтиды. Бұл шешімдер қызметкерлерге кәсіби дағдыларын дамытуға, оқу барысында қолдау алуға және жаңа білімдерін тәжірибеде қолдануға мүмкіндік береді.

KMF Банк командасын лайықты жеңісімен құттықтаймыз!

EMBRAS сыйлығы - жұмыс беруші бренд саласындағы беделді халықаралық жыл сайынғы сыйлық. Биыл марапаттау рәсімі тоғызыншы рет өтті. Сыйлық Орталық Азия, ТМД және Еуропа елдеріндегі компанияларға соңғы екі жылда жұмыс беруші бренд пен HR-индустриясын дамыту бағытында жүзеге асырған ең табысты HR-жобалары, бағдарламалары мен жетістіктері үшін табысталады.