Ақтөбе қаласында KMF-тің жаңа бөлімшесі ашылды

2016 жылдың 17 қазанында KMF-тің Ақтөбе филиалының жаңа бөлімшесінің салтанатты ашылу рәсімі өтті.

Кеңсе клиенттерге ыңғайлы жерде – Орталық колхоз базарындағы «Арай-2» сауда үйінде орналасқан. Төрт тәжірибелі сарапшы 750-ден астам клиентке қызмет көрсетеді, олардың кредиттік қоржыны 230 млн.теңгені құрайды.

Жаңа бөлімшені ашу туралы ұсынысты өткен жылы Ашық есік күнінде пікірлер жәрмеңкесінде KMF клиенттері ұсынған болатын. Ал енді ол жүзеге асып отыр. KMF клиенттердің тілек-ұсыныстарын назардан тыс қалдырмауға тырысады. Оған қоса бұл базарда компаниядан кредит алатын кәсіпкерлер жетіп артылады. Енді KMF оларға жақындай түсті.

Бөлімшенің мекенжайы: Т.Ахтанов көш., 48/5, «Арай-2» СҮ.