Мерзімі өткен берешекті реттеу
Құрметті клиенттер!
Қазақстан Республикасының Қаржы нарығын реттеу және дамыту агенттігінің (бұдан әрі - ҚНРДА) 2021 жылғы 16 шілдедегі № 82 Қаулысына сәйкес KMF микрокредит туралы шартты кредит беру талаптары бөлігінде өзгерту арқылы мерзімі өткен берешекті реттеу мүмкіндігін қамтамасыз етеді.
Бұл мүмкіндік тек қарыз алушы – жеке тұлғаларға ғана беріледі.
Мерзімі өткен берешекті реттеу үшін:
Жеке менеджеріңізге хабарласып, клиенттің мобильді қосымшасында_сілтеме) немесе KMF бөлімшесіне барған кезде өтініш толтырыңыз. KMF барлық бөлімшесінің мекенжайлары https://kmf.kz/contacts/ сілтемесі бойынша сыртқы сайтта орналастырылған.
1. Егер сіз жеке менеджеріңізге хабарласа алмасаңыз, KMF арнайы желісіне +7(778) 746 39 28 немесе 7474 нөмірі бойынша қоңырау шалыңыз.
o барлық қажетті ақпаратты беріңіз: аты-жөні, кредиттік шарттың нөмірі, ЖСН.
o нақты сіздің жағдайыңызда өтінішті қалай дұрыс толтыру керектігі жөнінде консультация алыңыз.
o info@kmf.kz электрондық пошта мекенжайына өтініш жіберіңіз
Берешекті реттеу талаптары мен тәртібі
KMF күнтізбелік 10 күннің ішінде (микрокредит беру туралы шарт бойынша өтеу мерзімі өткен күннен бастап) бұл туралы қарыз алушыға жазбаша түрде хабарлайды (шартта көзделген байланыс құралдарын пайдалана отырып).
1. KMF қарыз алушысы өзінің бастамасы бойынша күнтізбелік 30 күннің ішінде (микрокредит беру туралы шарт бойынша өтеу мерзімі өткен күннен бастап) KMF-ке баруға және (немесе) жазбаша түрде, сондай-ақ ақпараттандыру объектілері арқылы немесе микрокредит беру туралы шартта көзделген тәсілмен микрокредит беру туралы шарттың талаптарына өзгерістер ұсынып, өтініш беруге құқылы. Осы өтініште сондай-ақ өтеу мерзімін өткізіп алу себептері, кірістер және шарт талаптарына ұсынылатын өзгерістерге себеп болған басқа да расталған мән-жайлар (фактілер) туралы мәліметтер қамтылуы тиіс.
2. KMF микрокредит беру туралы шарттың талаптарына ұсынылған өзгерістерді қарыз алушының өтінішін алған күннен кейін күнтізбелік 15 күн ішінде қарайды. Қарыз алушы ұсынған мәліметтер мен құжаттар толық болмаған жағдайда, KMF оларға сұрау салады және олар 5 жұмыс күні ішінде ұсынылуы тиіс.
Өтінішті қарау нәтижелері бойынша KMF қарыз алушыға әрі қарайғы әрекеттердің үш нұсқасының бірін хабарлайды.
1. Микрокредит беру туралы шарттың талаптарына ұсынылған өзгерістермен келіскен жағдайда KMF осындай шешімді қабылданған күннен бастап күнтізбелік 15 күн ішінде тиісті қосымша келісімге қол қою қажет;
2. KMF берешекті реттеу бойынша өзінің ұсыныстары туралы хабарлайды. Бұл жағдайда қарыз алушы KMF осындай шешімді қабылдаған күннен бастап күнтізбелік 15 күн ішінде KMF-ке жауап жіберуі тиіс;
3. Микрокредит беру туралы шарттың талаптарына өзгерістер енгізуден бас тартқан жағдайда, KMF бас тарту себептерінің дәлелді негіздемесін көрсетеді.
Қарыз алушы KMF ұсыныстарымен келіспеген жағдайда немесе шарт талаптарын өзгертуден бас тартуды алған жағдайда, KMF шешімін алған күннен бастап күнтізбелік 15 күн ішінде қарыз алушы Микроқаржы қызметтерін тұтынушылардың құқықтарын қорғау орталығына +7 771 933 34 44 телефон нөмірі бойынша, омбудсменге (mfohelp.kz сайтында осы орталықтың жұмысы туралы барлық ақпарат берілген) немесе уәкілетті органға (ҚНРДА) бір мезгілде KMF-ке хабарлай отырып, жүгінуге құқылы.
Мұндай өтініш Қазақстан Республикасының заңнамасында белгіленген тәртіппен қаралады.
Қарыз алушы KMF-ке барлық өтініштерді, жауаптарды және өзге де өтініштерді жазбаша нысанда info@kmf.kz электронды поштасының арнайы мекенжайына жібереді немесе KMF бөлімшесіне келген кезде ұсынады. KMF барлық бөлімшесінің мекенжайлары сыртқа сайтта https://kmf.kz/contacts/ сілтемесі бойынша берілген.
АЗАМАТТАРДЫҢ БАНКРОТТЫҒЫ ТУРАЛЫ ЗАҢ
Заңға сәйкес 12 және одан көп уақыт берешегі өтелмеген азаматтар банкрот деп танылуы мүмкін.
- 1600 АЕК аспайтын (5 520 000 теңге), 12 және одан көп уақыт өтелмеген борыштың болуы немесе бес жыл бойы орындалмаған кез келген мөлшердегі міндеттемелердің болуы;
- ортақ меншіктегі мүлікті қоса алғанда, меншік құқығында мүліктің болмауы (мысалы: ШҚ, жекешелендірілген үй немесе ерлі-зайыптылардың ортақ меншігі).
- Борыш мөлшері 1600 АЕК (5 520 000 теңгеден) асады.
- Борышкердің өндіріп алынуы мүмкін жеке мүлкі бар.
- Егер борышкердің міндеттемелері үшінші тұлғалардың кепілдігімен немесе кепілімен қамтамасыз етілсе, бұл талаптар күшінде қалады және кредиторлар өткізіліп жатқан банкроттық рәсіміне байланыссыз кепілгерлер мен кепіл берушілерге талап қоюға құқылы.
* - Төлем қабілеттілігін қалпына келтіру – бұл борышкердің міндеттемелерін өтеуге бағытталған кредиторлар арасында келісілген бірқатар іс-шаралар (кестені өзгерту, дебиторлық берешекті өндіріп алу, мүлікті жалға беру және т.б.).
- Банкрот деп танылған тұлғаға бес жыл бойы қарыз алуға, кепілдік беруге және кепілгер болуға тыйым салынады.
- Банкрот деп танылған тұлғаға ҚР аумағынан тыс жерлерге шығуына тыйым салынуы мүмкін.
- Жеке тұлға банкрот деп танылғанда, бұл көпшілікке жария етіледі және барлық кредитор борышкердің банкрот деп танылғанын білетін болады.
- Төлем қабілеттілігін қалпына келтіру және сот арқылы банкрот деп тану туралы іс қозғалғанға дейін борышкердің үш жыл ішінде жасаған мәмілелері, егер олардың мүлікті жасыру мақсатында жосықсыз жасалғаны анықталса, жарамсыз деп танылуы мүмкін.
- Міндеттемелерді орындауды қамтамасыз ету үшін кепілге берілген борышкердің жалғыз үйін өндіріп алуға рұқсат етіледі.
- Банкрот деп тану туралы бастаманы борышкердің өзі көтереді.
- Соттан тыс банкроттық рәсімін қолдану туралы арыз e-gov.kz арқылы беріледі. Сот арқылы банкроттық рәсімін қолдану туралы арыз сотқа беріледі.
- Борышкер төлем қабілеттілігін қалпына келтіру, соттан тыс немесе сот арқылы банкроттық рәсімін қолдану туралы арыз бергені жөнінде кредиторға екі жұмыс күнінен кешіктірмей хабарлауға міндетті.
Адамды банкрот деп тану – қарыздан құтылудың басқа барлық әдісі қолданылып, бірақ ешқандай нәтиже бермеген кезде жасалатын соңғы қадам. Ең бастысы мынаны есте сақтаңыз! Банкрот деп танылған адам қаржы жүйесінде «қара таңбаға» ие болады және оған бес жыл бойы қаржы институттарынан қарыз берілмейді!
КМF-ке хабарлама жіберу үшін мекенжайлар:
КМF пошта мекенжайы: 050004, Алматы қ., Медеу ауданы, Н.Назарбаев даңғылы, 50.
КМF-тің электрондық поштасы: info@kmf.kz.
Қосымша ақпарат алу үшін 1414 нөміріне (қосымша нөмір 3) хабарласыңыз немесе сілтеме бойынша Қазақстан Республикасы Қаржы министрлігінің сайтына өтіңіз.