Микрокредит беру ережелері

Барлық төлемдер, соның ішінде мерзімінен бұрын өтеу КМF кассасы немесе мобильді қосымшасы, терминалдар, банк немесе www.kmf.kz сайты арқылы жүреді. Компанияның қызметкерлеріне ақша қаражаттарын беруге (қалдыруға) тыйым салынған, бұл қаржылық тәртіпті бұзу болып саналады, ол үшін сіз және төлемді қабылдаған КМF қызметкері жауапкершілікке тартыласыздар!

KMF саясаты қызметкерлерге клиенттерден қарызға ақша алуға немесе басқа материалдық игіліктерді немесе қызметтерді алуға тыйым салады. Сондықтан, осындай әрекеттерге жол бермеуді және осындай жағдайлардың туындауына жағдай жасамауды өтінеміз.

KMF делдалсыз жұмыс істейді. Белгілі бір сыйақыға кредит рәсімдеуді ұсынатын тұлғалардың компанияның қызметіне еш қатысы жоқ. Сақ болыңыз, делдалдар - алаяқтар. Егер сіз белгілі бір ақыға немесе қызметке кредит рәсімдеуді ұсынатын тұлғаларға тап келсеңіз, 7474 (ұялы телефоннан тегін) колл-орталық телефонына қоңырау шалыңыз немесе басқа тәсілмен хабарлаңыз.

Қаржы мәселелерінде немқұрайлы болмаңыз. Ешкім сізді кредит алуға мәжбүрлей алмайтынын есте сақтаңыз, сондықтан таныстарыңыз немесе достарыңыз өздеріне кредит алып беруге үгіттесе келіспеңіз. Микрокредит шарты өз атына рәсімделген тұлға кредиттік міндеттемелер үшін жауапкершілік көтеретінін есте сақтаңыз және сіз кредитті алмағаныңызды дәлелдей алмайсыз.

Кредит алған кезде ақша қаражатын кассадан алыстамай тұрып санап алу қажет. KMF-те қажет болған жағдайда клиент кассирмен қайталап салыстыру жүргізіп, қолына алған соманың толықтығына көз жеткізе алады. Кредит берілгенге дейін клиентте басқа ешқандай шығыс болмауы тиіс.