Кәсіпкер әйелдерге арналған субсидиялау бағдарламасы

2020 жылдың қыркүйек айынан бастап KMF бизнестің тұралап қалуы, берешекті төлеуді кешіктіру сияқты қиындықтарға қарамастан өз бизнесін дамытуға дайын кәсіпкер әйелдерге бағдарланған арнайы кредиттеу бағдарламасын іске қосады. Субсидиялау бағдарламасы микрокредиттік жүктемені азайта отырып, кәсіпкер әйелдерге жаңа кредит алуға мүмкіндік береді.

Осы бағдарламаға сәйкес МҚҰ пайыздық мөлшерлеменің жартысын субсидиялайды (өтейді). Іс жүзінде кәсіпкер әйелдерді кредиттеу құны сыйақы мөлшерлемесінен 50%-ға кемиді.

Бұл бастама – клиенттерімізді ұзақ мерзімді қолдау бағдарламасының бір бөлігі.

Осы бағдарламаға қатысып, микрокредит алу үшін KMF клиенті болу керек, оған қоса қарыз алушының үш немесе одан көп жұмыс орнын қамтамасыз ететін әрекеттегі бизнесі болуы қажет. Микрокредиттеу кезінде пандемиядан қатты зардап шеккен аймақтарға және қызмет түрлеріне басымдық беріледі.

KMF микроқаржылық ұйымы – халықаралық қаржылық институттар мойындаған кәсіпкер әйелдерді қолдау саласындағы Қазақстан көшбасшысы. Компания нәзік жандыларға арнап өз бизнесін дамытуда мүмкіндіктерді кеңейту бойынша көптеген әлеуметтік бастамаларды жүзеге асырады.