ҚНРДА қаулысына сәйкес KMF-те мерзімі өткен берешекті қалай реттеуге болады.

Құрметті клиенттер!

Қазақстан Республикасы Қаржы нарығын реттеу және дамыту агенттігінің (бұдан әрі –ҚНРДА) 2021 жылғы 16 шілдедегі №82 Қаулысына сәйкес KMF микроқаржылық ұйымы сізге кредит беру талаптары бөлігінде микрокредит беру туралы шартты өзгерту арқылы мерзімі өткен берешекті реттеу мүмкіндігін ұсынады.

Бұл мүмкіндік тек жеке тұлға болатын қарыз алушыларға беріледі!

Мерзімі өткен берешекті реттеу үшін Сіз:

1)      +7 778 746 39 28 нөмірі бойынша арнайы бөлінген желіге қоңырау шаласыз.

2)      қажетті ақпаратты ұсынасыз: аты-жөніңіз, кредиттік шарттың нөмірі, ЖСН.

3)      желідегі қызметкерден нақты сіздің жағдайыңызға байланысты өтінішті қалай толтыру қажеттігі туралы кеңес аласыз.

4)      өтінішті restruct@kmf.kz электрондық поштасына жолдай аласыз немесе KMF бөлімшесіне келген кезде өзіңіздің кредиттік сарапшыңызға бере аласыз. KMF барлық бөлімшелерінің мекенжайлары https://kmf.kz/contacts/ сілтемесі бойынша сыртқы сайтта көрсетілген.

Берешекті реттеу шарттары және тәртібі

1.                  KMF микрокредит беру туралы шарт бойынша мерзімін өткізу орын алған күннен бастап 20 күнтізбелік күн ішінде қарыз алушыны ол туралы хабардар етеді (шартта көзделген байланыс құралдарын пайдаланып).

2.                  Қарыз алушы микрокредит беру туралы шарт бойынша мерзімін өткізу орын алған күннен бастап 30 күнтізбелік күн ішінде өз бастамасымен KMF-ке келіп, микрокредит беру туралы шарт талаптарына өзі ұсынатын өзгерістер көрсетілген өтінішті қалдыра алады. Ондай өтініште мерзімін өткізу себептері, кірістер және шарт талаптарына өзгерістер енгізуге себеп болған басқа расталған мән-жайлар (фактілер) туралы мәлімет көрсетілуі тиіс.

3.KMF ұсынылған өзгерістерді қарыз алушының өтінішін алған күннен кейін 15 күнтізбелік күн ішінде қарастырады. Қарыз алушы мәліметтер мен құжаттарды толық ұсынбаған жағдайда, оларды 5 жұмыс күні ішінде өткізуі қажет.

Өтінішті қарау нәтижелері бойынша KMF қарыз алушыға кейінгі іс-әрекеттердің үш нұсқасын хабарлайды.

1) Микрокредит беру туралы шарттың талаптарына ұсынылған өзгерістермен келіскен жағдайда, қарыз алушы KMF мұндай шешімді қабылдаған күннен бастап 15 күнтізбелік күн ішінде тиісті қосымша келісімге қол қоюы қажет;

2) KMF берешекті реттеу бойынша өз ұсыныстарын хабарлайды. Бұл ретте қарыз алушы KMF мұндай шешімді қабылдаған күннен бастап 15 күнтізбелік күн ішінде KMF-ке өз жауабын беруі керек;

3) Микрокредит беру туралы шарттың талаптарын өзгертуден бас тартқан жағдайда, KMF бас тарту себептерінің дәлелді негіздемесін көрсетеді.

Егер қарыз алушы KMF-тің ұсыныстарымен келіспеген жағдайда немесе шарт талаптарын өзгертуден бас тарту алған кезде, ол KMF шешімін алған күннен бастап 15 күнтізбелік күн ішінде KMF-ке хабар бере отырып, уәкілетті органға (ҚНРДА) жүгінуге құқылы. Уәкілетті орган мұндай өтінішті Қазақстан Республикасының заңнамасында белгіленген тәртіпте қарайды.

Қарыз алушы барлық арыздарын, жауаптарын және басқа өтініштерін арнайы restruct@kmf.kz электрондық пошта мекенжайына жібереді немесе KMF бөлімшесіне барғанда өзінің кредиттік сарапшысына береді.

KMF-тің барлық бөлімшелерінің мекенжайлары https://kmf.kz/contacts/ сілтемесі бойынша сыртқы сайтта көрсетілген.