KMF «жасыл» технологияларды қаржыландыруды кеңейтіп жатыр

Сәуір айында Алматыда туризм секторындағы шағын және орта бизнес кәсіпорындарын жасыл қаржыландыруға арналған дөңгелек үстел өтті, оған KMF МҚҰ өкілдері, ЕҚДБ-ның GEFF жасыл қаржыландыру бағдарламасының консультанттары, ДАМУ қорының, Жасыл қаржы орталығының өкілдері, сондай-ақ банктер мен туристік саланың басқа да мүдделі ұйымдарының өкілдері қатысты. Шараны Қазақстандық қонақ үй және мейрамханалар қауымдастығы (КАГиР) ұйымдастырды.

Дөңгелек үстел аясында кездесуге қатысушылар жасыл қаржыландыру нарығын дамытудың өзекті мәселелерін, ішкі туризмді дамыту үшін энергия тиімді өндірістік технологияларға инвестициялар салу перспективаларын талқылап, жасыл жобаларды іске асыру тәжірибесімен алмасты.

Қазақстандағы ішкі туризм белсенді дамып келеді және таяу жылдары азиялық және ресейлік саяхатшылар үшін басты бағыт болады деп есептейді Қазақстанның Қонақ үй және мейрамханалар қауымдастығының (КАГиР) мамандары. Жасыл технологиялар және оларды қазақстандық нарыққа қатысушылардың сатып алуын қаржыландыру қонақжайлық индустриясының жергілікті ойыншыларының бәсекеге қабілеттілігін арттыруға көмектеседі.

Қонақ үй және мейрамхана бизнесінің өкілдеріне ЕҚДБ-ның GEFF жасыл қаржыландыру бойынша қолданыстағы «KMF» МҚҰ бағдарламасы, оның қызмет көрсету секторында талап етілуі мүмкін негізгі қаржыландыру бағыттары ұсынылды, оның ішінде:

·         энергия үнемдейтін технологиялар: терезелер, есіктер, жылыту жүйелері, жарықтандыру

·         энергия тиімді жабдықтар: салқындату жүйелері, тоңазытқыш жабдықтар, тракторлар, тиегіштер және т. б.

KMF МҚҰ арқылы жасыл жабдықтар мен технологияларды сатып алудың негізгі артықшылығы – сатып алу құнының 10%-ын өтеу. Екі жылдан астам уақыт бойы КМF МҚҰ GEFF жасыл қаржыландыру бағдарламасының серіктесі болып табылады және осы уақыт ішінде бірнеше жүздеген табысты жобалар іске асырылып, өтемақылар төленді.

Сондай-ақ онлайн режимде өткен іс-шарада GEFF бағдарламасының консультанты Екатерина Карцева сөз сөйледі, ол Қазақстандағы тұрғындар мен бизнес үшін энергия тиімді жабдықты сатып алуды қалай қолжетімді етуге болатыны туралы айтып берді. Ол қатысушылардың назарын туристік салаға арналған GEFF бағдарламасының мүмкіндіктеріне аударды және жасыл қаржыландыру құралдары арқылы жасыл технологиялар мен жабдықтарды сатып алу тетігі, сондай-ақ заңды және жеке тұлғалар пайдалана алатын пайда туралы егжей-тегжейлі айтып берді. Осындай пайданың біріне кредит сомасының немесе бағдарламаның қаржы серіктестерінің кредит қаражаты есебінен сатып алынған энергия тиімді жабдық құнының 10% немесе 15%-ын өтеуді жатқызуға болады. Өтемақы тек негізгі тауарларға ғана емес, сонымен қатар негізгі жабдықтармен бірге кредиттік қаражатқа сатып алынған жағдайда монтаждау және жобалау жұмыстарының, ілеспе тауарлар мен жеткізілімдердің құнына да алынуы мүмкін. Сонымен қатар Екатерина тыңдаушыларға Жасыл Технологиялар Селекторы – GEFF бағдарламасы бойынша қолайлы тауарлардың онлайн каталогын ұсынды.

Кездесу қорытындысы бойынша Қауымдастық мүшелері туристік сектор үшін қолжетімді қаржы құралдарының жоғары маңыздылығын атап өтті, ал қонақ үй және мейрамхана бизнесінің өкілдері KMF МҚҰ жасыл қаржыландыру құралдары арқылы энергия тиімді жабдықтар мен технологияларды сатып алуға қызығушылық танытты.