KMF Банк бизнеске арналған интернет-банкингті іске қосты

KMF Банк заңды тұлғаларға арналған интернет-банкинг қызметін ұсына отырып, кәсіпкерлердің цифрлық мүмкіндіктерін кеңейтті. Сервис клиенттерге банктік шоттарды басқаруға және қаржылық операцияларды кез келген уақытта, тәулік бойы, 24/7 режимінде онлайн жүзеге асыруға мүмкіндік береді.

Сервис арқылы кәсіпкерлер:

• банктік шоттар бойынша ақпаратты, оның ішінде шот деректемелерін, қалдықтарды және операцияларды қарай алады;
• мемлекеттік органдардың орындалмаған талаптары мен өкімдерін, сондай-ақ шоттарға салынған тыйымдарды бақылай алады;
• ұлттық валютада банк ішіндегі, сондай-ақ банкаралық төлемдер мен аударымдарды жүзеге асыра алады;
• бюджет алдындағы міндеттемелерді бірыңғай тізілім арқылы төлей алады;
• жинақ шоттарын аша алады;
• кредит алуға өтінім бере алады;
• банктік үзінді көшірмелер мен анықтамаларды ала алады.

Интернет-банкингке қосылу үшін KMF Банкте ағымдағы шоттың, жарамды ЭЦҚ-ның (электрондық цифрлық қолтаңбаның) және жүйеге қосылуға арналған қол қойылған өтініштің болуы қажет.