ЕДБ және МҚҰ арқылы Азия Даму Банкі қарызының есебінен микро, шағын және орта кәсіпкерлік субъектілерін қаржыландыру

Келісімнің шарттарына сәйкес, КМF бұл қаражаттарды микро, шағын және орта кәсіпкерлік субъектілерін кредиттеуге, айналым қаражаттарын толықтыруға және негізгі құралдарды сатып алуға, жаңартуға жұмсайды, сонымен қатар басқа банктерден алынған кредиттерді қайта қаржыландыруға жол беріледі. Бір қарыз алушыға кредиттеудің максималды лимиті заңнамаға сәйкес 8 000 АЕК құрайды.

Осы бағдарлама бойынша қаржыландыру KMF стандартты кредиттік өнімдерінің аясында жүргізіледі.

Микрокредиттеудің артықшылықтары:
• құжаттардың минималды пакеті;
• өтінімді қарау мерзімі 1 күннен 3 күнге дейін;
• үздіксіз кредиттеу мүмкіндігі;
• жасына байланысты минималды шектеу — қызмет студенттерге, сондай-ақ зейнеткерлерге көрсетіледі;
• қаржылық сауаттылық бойынша тегін сабақтарға қатысу;
• әрбір қарыз алушыға жеке қатынас, бұл қарызды өтеудің әлдеқайда қолайлы тәсілі мен мерзімін таңдауды қамтамасыз етеді.

«Өткен жылдың қорытындысы бойынша біздің кредиттік портфеліміз 70%-ға өсті, ал қарыз алушыларымыздың саны 21%-ға артты. Дегенмен, кәсіпкерлерде, әсіресе, фермерлерде кредиттік ресурстардың жетіспеушілігі сезіледі. Бұл Қазақстанның шағын бизнес секторының қарқынды дамып келе жатқанын, бірақ бұрынғысынша жеткілікті кредиттелмегендігін куәландырады. Осы қарыздың аясында алынатын ақша қаражаттары кәсіпкерлерді, әсіресе банктік қаржыландыруға қол жеткізуі шектелген ауылдардағы кәсіпкерлерді қаржыландыру үшін пайдаланылатын болады», - деп атап өтті Шалқар Жүсіпов, ҚMF Басқармасының Төрағасы

«Соңғы уақытта қаржылық қызметтер ұсынуда кредиттеу саны жағынан да, көлемі жағынан да елеулі түрде өскен микроқаржылық ұйымдардың танымалдығы артып келе жатқандығы бақыланады. Осы жобаға ҚMF-тің қатысуы елдің қалың топтарын кәсіпкерлік қызметке жұмылдырады, бұл жаңа жұмыс орындарын құруға әкеліп, сол арқылы халықты жұмыспен қамту проблемасын шешетін болады», - деді «Даму» Қорының Басқарма төрағасының орынбасары Нұрлан Ақшанов.

«Микробизнестің дамуы ірі бастапқы салымдарды талап етпейді, бірақ сонымен бірге ресурстардың жоғары айналымдылығын қамтамасыз етеді, шектеулі ресурстарда тұтынушылық қызметтер нарығының қалыптасуына және кеңеюіне әлдеқайда тиімді және жылдам атсалысады», - деп тұжырымдады «Даму» Қорының Басқарма төрағасының орынбасары Нұрлан Ақшанов.