"Танысымның қарызы үшін коллекторлар мені мазалайды": Бөтен адамның несиесі бойынша сізге қоңырау шалса, не істеу керек?
20.02.2025
Танысыңыз банк немесе микроқаржылық ұйымдарынан қарыз алып, сізді сенімгер ретінде тіркеуі мүмкін. Несиесін уақытылы төлемесе, оның және сенімгер ретінде тіркелген адамдардың нөмірі коллекторларға жіберіледі. Танысыңыз қарызын төлемей қойса, әдетте коллекторлар сізге қоңырау шалып, мазалайды. Stan.kz тілшісі жеке тұлғаның рұқсатынсыз оны сенімгер ретінде тіркеу қаншалықты заңды екенін және коллекторлар қарыз жөнінде несие алушыға қандай жағдайда хабарласа алатынын сұрады.
Stan.kz тілшісі KMF микроқаржылық ұйымынан сенімгер атанудың талап-тәртіптерін сұрады.
“Несие рәсімдеуші кез келген адамды сенімгер ете алады, оған ешқандай шектеу жоқ. Бірақ клиент ұсынған сенімгерлердің қарыз алушыға қатысы бар-жоғына тексеру жүргізілмейді”, – деп мәлімдеді микроқаржы ұйымы.