cancel
KMF МҚҰ
KMF МҚҰ қосымшасында ашу

Бизнес қарыздары бойынша төлемдерді кейінге қалдыру тәртібі

Бизнес қарыздары бойынша төлемдерді кейінге қалдыру тәртібі
Жаңалықтар

ҚР Қаржы нарығын реттеу және дамыту агенттігінің 09.04.2021 жылғы №127 бұйрығына сәйкес Шағын және орта бизнес субъектілерінің қарыздары бойынша төлемдерді кейінге қалдыру тәртібі (бұдан әрі – «Тәртіп») бекітілді.

KMF микроқаржылық ұйымы Тәртіпке сәйкес шағын және орта кәсіпкерлік субъектілеріне жататын қарыз алушылардың төлемдерін кейінге қалдырады.

1) субъект қызметін Тәртіптің қосымшасына (сілтеме бойынша қолжетімді) сәйкес экономика салаларында жүзеге асырған жағдайда – микро және шағын кәсіпкерлік субъектілерінің, оның ішінде дара кәсіпкерлердің.

2) шектеулі карантиндік шаралардың қолданылуы салдарынан кредиттік ұйым жүзеге асыратын қарыз алушының қаржылық жағдайын бағалаумен расталған қаржылық жағдайы нашарлаған жағдайда – орта кәсіпкерлік субъектілерінің, оның ішінде дара кәсіпкерлердің төлемдерін кейінге қалдырады (бұдан әрі – төлемді кейінге қалдыру). Қарыз алушының қаржылық жағдайын бағалау қарыз алушының нақты кірістерін және енгізілген шектеулі карантиндік шаралардың қарыз алушының кәсіпкерлік қызметіне, оның ішінде қарыз алушының тауарларына, жұмыстарына және (немесе) көрсетілетін қызметтеріне тұтынушылық сұраныстың төмендеуіне, тауарларды және (немесе) көрсетілетін қызметтерді жеткізу тізбегінің бұзылуына, тауарлардың, жұмыстардың және (немесе) көрсетілетін қызметтердің ақысын төлеу мерзімдерінің бұзылуына әсерін талдауды көздейді.

Тәртіп микро, шағын және орта кәсіпкерлік субъектілеріне, оның ішінде дара кәсіпкерлерге 2021 жылғы 1 сәуірге дейін кәсіпкерлік мақсаттарға берген микрокредиттерге қолданылады.

KMF төлемдерді кейінге қалдыру туралы шешімді қарыз алушының кредиттік ұйымға 2021 жылғы 1 сәуірден бастап 30 маусымға дейінгі кезеңде берген өтініші негізінде қабылдайды.

Егер микрокредит шартында төлемдердің өзге кестесі көзделмесе не қарыз алушының өтінішінде өзге кесте көрсетілмесе, бұрын кейінге қалдырылған төлемдерді қарыз мерзімінің соңына дейін тең бөлу не қарыз мерзімін кейінге қалдырылған төлем кезеңіне ұлғайту түрінде жаңа төлемдер кестесін белгілеу арқылы төлем микрокредит шарттарына қосымша келісімдерге қол қоймастан кейінге қалдырылады. Бұл ретте Қарыз алушының кейінге қалдырылғанға дейін микрокредит шарты бойынша төлеген төлемдері қайтарылмайды.

Кепіл шарттарына және кепілдік шарттарына өзгерістер және (немесе) толықтырулар микрокредит шартының және (немесе) Қазақстан Республикасы заңнамасының талаптарына сәйкес енгізіледі.

Өтінішті қарағаны және микрокредит және (немесе) кепіл шарттарын және өзге де байланысты шарттарды өзгерткені үшін қарыз алушылардан комиссиялар мен өзге де төлемдер алынбайды.

Төлемді Тәртіпте көрсетілген талаптармен кейінге қалдыру қарыз алушының кредит тарихының нашарлауы және кредиттік бюроға қарыз алушы туралы жағымсыз ақпарат беру үшін негіз болып табылмайды. 

KMF өтінішті алған күнінен бастап күнтізбелік 15 (он бес) күннен аспайтын мерзімде қарайды. Егер қарыз алушының өтінішінде және кредиттік ұйымның шешімінде өзге мерзім көрсетілмесе, KMF қарыз алушының таңдауы бойынша 30 күннен 90 күнге дейін төлеу мерзімін кейінге қалдырады.

KMF-те қарыз алушының қаржылық жағдайының нашарламағаны туралы ақпарат болған кезде KMF төлемді кейінге қалдырудан бас тарту туралы шешім қабылдайды.

Кейінге қалдыру кезеңінде KMF бұл қарыз алушы бойынша шағым-талап жұмысын жүргізбейді және қарыз алушыға мерзімі өткен берешекті өтеу қажеттілігі туралы хабарландыруды жібермейді.

Сұрақтар туындаса, колл-орталыққа 7474 нөміріне (ұялы телефоннан тегін) хабарласуға болады.

Бұйрықтың толық нұсқасы келесі сілтеме бойынша қолжетімді.

Тағы оқыңыз
news
Жаңалықтар
30.03.2023
«Сұрақ-жауап»: жеке тұлғалардың банкроттығы жөнінде нені білу маңызды
Банкроттық рәсімдері шеңберінде кредитормен өз інің қарыздары бойынша берешекті қалай ша реттеу жөнінде , Fingramota.kz -ке « Қазақстан қаржыгерлерінің...
Толығырақ
news
Жаңалықтар
29.03.2023
KMF - ЕҚҚДБ-ның микробизнесті және ШОБ-ты қаржыландыру бойынша үздік қаржылық серіктесі
Алматыда 27 наурыз күні Қазақстанда GEFF II Жасыл экономиканы қаржыландыру бағдарламасын іске қосуға арналған іс-шара өтті, оған бизнес өкілдері, қарж...
Толығырақ
news
Жаңалықтар
20.02.2023
KMF Colvir IT-платформасына көшеді

Бүгін KMF пен Colvir Software Solutions компаниясы бірлескен жобаны іске қосу туралы келісімге қол қойды. Colvir IT-платформасы KMF-ке жаңа өнімдерді...

Толығырақ
news
Жаңалықтар
10.02.2023
IFC мен KMF ауылдағы кәсіпкерлерге көмектесіп, әйелдер бизнесін қолдайды Алматы, Қазақстан
KMF компаниясы 250 мыңнан аса клиентке қызмет көрсетеді. Ауылдық жердегі кәсіпкерлердің үлесі 60 пайыздан асады, олардың көпшілігі - әйелдер.
Толығырақ
news
Жаңалықтар
04.01.2023
The Eurasian KMF туралы

«Микроқаржыландыру – бұл ең алдымен, әлеуметтік бағыттағы бизнес»

Толығырақ
news
Жаңалықтар
26.12.2022
KMF-ProMotor. Бизнеске арналған арнайы техника бұрынғыдан да қолжетімді
Енді алматылық кәсіпкерлер арнайы техниканы тартымды шарттармен сатып ала алады. 
Толығырақ
news
Жаңалықтар
25.11.2022
GEFF «Жасыл» қаржыландыруы. KMF клиенттері энергия үнемдейтін жабдықты, көліктерді сатып алып, кэшбэк ала алады
Бағдарлама бойынша өтемақы төлеу мерзімі 2023 жылдың тамыз айының соңына дейін ұзартылды.
Толығырақ
news
Жаңалықтар
21.11.2022
KMF-тің "Айхай 25!" науқаны аяқталды

18 қарашада тікелей эфирде өткен "Айхай 25!" науқанының гранд финалында үш жеңімпаздың есімі анықталды! Науқан атауы кездейсоқ таңдалған жоқ, биыл...

Толығырақ
news
Жаңалықтар
17.11.2022
Smart-кеңсе – KMF клиенттеріне қызмет көрсетудің жаңа форматы

KMF клиенттері жаңа Smart-кеңседе компания қызметтерін бұрынғыдан да қолайлы жағдайда қолдана алады.

Толығырақ