Жастар кәсіпкерлігі: KMF пен ЕҚДБ қолдауымен арманға бастар жол
Сіз — жастық жігерге толы, тың ой мен батыл бастаманың иесісіз бе? Өз кәсібіңізді ашуды көптен армандап жүрсіз бе?
Онда бізде сізге шабыт сыйлайтын жағымды жаңалық бар! «KMF» микроқаржы ұйымы АҚ Еуропалық қайта құру және даму банкімен (ЕҚДБ) бірлесіп, жастар кәсіпкерлігін қолдауға арналған арнайы кредиттік бағдарламаны табысты жалғастырып келеді.
2025 жылы бағдарламаға қандай өзгерістер енгізілді?
Биылғы жыл жастар үшін жаңа мүмкіндіктердің есігін айқара ашты.
1. Енді микрокредиттің ең жоғарғы сомасы 15 миллион теңгеге дейін өсті!
2024 жылы бұл көрсеткіш небәрі 2 миллион теңгемен шектелсе, енді өз кәсібіңізді кеңейтуге немесе алғашқы қадамыңызды батыл бастауға 15 000 000 теңгеге дейін қаржы алуға жол ашық.
2. Бағдарлама жаңа клиенттерге басымдық береді.
Бұл — KMF-пен бірге үлкен жолды бастауға берілген ерекше мүмкіндік.
Бағдарлама кімдерге арналған?
· Жасыңыз 21 бен 35 аралығында болса;
· Сіз — KMF-тің жаңа клиенті болсаңыз;
· Өз кәсібіңізді дөңгелетіп отырсаңыз не болашақта тың бастаманы қолға алғыңыз келсе;
· Ең бастысы — ісіңізді адалдықпен, ашықтықпен әрі сеніммен дамытамын десеңіз, онда бұл бағдарлама нақты сіз үшін!
Бұл не үшін маңызды?
Жастар — ел болашағының темірқазығы. Ал жастарды қолдау — KMF-тің тұрақты даму жолындағы басты мұраттарының бірі.
Біз кәсіпкерлік — тек табыс көзі ғана емес, өзгерістің қозғаушы күші деп білеміз. Әсіресе, өңірлердің тыныс-тіршілігін жандандырып, қоғамның бет-бейнесін қалыптастырып жатқан жас буынның әлеуетіне сеніміміз зор.
Бұл бағдарлама — жай ғана қаржылық қолдау емес. Бұл — арманыңызға жол ашар мүмкіндік, болашағыңызды өз қолыңызбен құруға берілген сенімді қадам.
Қалай өтінім беруге болады?
Ең жақын KMF кеңсесіне барыңыз немесе ресми сайтта өтінім қалдырыңыз — біздің мамандар сізбен міндетті түрде байланысады.
Есіңізде болсын: бір ғана идея — тек сіздің өміріңізді емес, айналаңыздағы талай адамның тағдырын өзгертуі мүмкін.