Заказать
звонок
X

Консультация

На данный момент рабочий день закончен, перезвоните позже или оставьте свое имя и телефон
Мы перезвоним Вам и ответим на любые Ваши вопросы!

Жду звонка 30:00 сек

14 Қазан 2015 Көп балалы Төлегеновтар отбасына Компания атынан Микроавтобус сыйға тартылды

13 қазан күні Қостанай қаласындағы «KMF» МҚҰ-ның кеңсесінде KMF филиалының жүргізушісі, көп балалы Нұрлан Төлегеновтың отбасына жаңа микроавтобустың кілті мен үй құрылысын аяқтауға жеткілікті ақшалай қаражат табыс етілді.

Нұрлан мен Гүлжауһар Төлегеновтардың үлкен әрі ынтымағы жарасқан отбасында тоғыз бала тәрбиеленуде, олардың сегізі асырап алынған балалар. Биылғы жылы Төлегеновтар отбасы ұлттық «Мерейлі отбасы» байқауының облыстық іріктеуінде жеңімпаз атанып, Қазақстан бойынша 319 отбасы қатысқан дүбірлі додада екінші орынға ие болды. Біздің компания ұжымы болса, Нұрлан Ғалымжанұлына бітпеген үйінің құрылысын аяқтауға қаржылай көмек көрсетуді ұйғарып, «Бірігіп Ортақ үй тұрғызайық!» деген ұран тастап, нәтижесінде компанияның барлық қызметкерлері жұмыла отырып, жалпы сомасы 2,3 миллион болатын қаржы жинап берді. Сондай-ақ компания атынан құны 10 миллион теңге болатын су жаңа «Volkswagen Transporter» микроавтобусы сатып алынды. Мерейлі отбасына аталмыш сыйлықтарды салтанатты түрде «KMF» МҚҰ Басқарма Төрағасының кеңесшісі Рауза Абдулвахитовна табыс етті.

Отағасы Нұрлан Төлегенов КМФ-тің Қостанай филиалында үш жылдан бері жүргізуші болып жұмыс істейді, ал отанасы мектепте директордың оқу-тәрбие жұмысы жөніндегі орынбасары қызметінде. Жарасымды жұбайлар көпбалалы болуды бұрыннан армандаған екен, бүгінгі күні армандарына жетіп қана қоймай, елге қадірлі, халыққа танымал мерейлі отбасы атанып, тоғыз балаға тәлім-тәрбие беріп отыр. Олардың отбасында түрлі ұлт өкілдерінің балалары тәрбиеленуде, құдды бір ынтымағы жарасқан Қазақстанның шағын көрінісі іспеттес. Ұлттық байқаудан екінші жүлделі орынға ие болып, мерейлері тасыған отбасының қуанышы үстем болып отыр.

Олардың үлкен ұлы ер жетіп азамат болып қалған, ал қалғандары әлі мектеп оқиды. Балалардың барлығы дерлік спорт секцияларына қатысып, түрлі облысаралық жарыстарға барады. Сыйға тартылған көлік болса, осы секілді жарыстарға жол ауыртпалығын артынбай жетулеріне жағдай жасап қоймай, отбасының қала сыртына шығып табиғат аясында демалуларына да аса қажет.

Олардың үлкен ұлы ер жетіп азамат болып қалған, ал қалғандары әлі мекетеп оқиды. Балалардың барлығы дерлік спорт секцияларына қатысып, түрлі облысаралық жарыстарға барады. Сыйға тартылған көлік болса, осы секілді жарыстарға жол ауыртпалығын артынбай жетулеріне жағдай жасап қоймай, отбасының қала сыртына шығып табиғат аясында демалуларына да аса қажет.

Бүгінгі күні Төлегеновтар отбасы Қостанай облысы Алтынсарин ауылында тұрады. Өздерінің армандарындағы зәулім үйлерін табиғаты тамылжыған Затобольск ауылында салып жатыр екен. Демек, компанияның көрсеткен көмегі дер кезінде беріліп отыр.

Нұрлан мен оның отбасы Компанияның басшылығы мен барша қызметкерлерінің көрсеткен қолдаулары мен көмектері үшін шексіз алғыстарын білдіріп, денсаулық, бейбітшілік пен өркендеу тіледі.


?>Сұрақ қою
Резюме жіберу
resume
success