Заказать
звонок
X

Консультация

На данный момент рабочий день закончен, перезвоните позже или оставьте свое имя и телефон
Мы перезвоним Вам и ответим на любые Ваши вопросы!

Жду звонка 30:00 сек

23 Маусым 2017 ЕҚДБ кіші және шағын бизнесті қаржыландыруға «КМF» Микроқаржылық ұйымына 3,5 млрд. теңгеге ($11 млн.) жуық қаражат бөледі.
Еуропалық қайта құру және даму банкі (ЕҚДБ) Қазақстандағы ұзақ мерзімді серіктесі болып табылатын «КМF» Микроқаржылық ұйымына Кіші және шағын бизнесті қаржыландыруға екі бағдарлама бойынша 3,5 млрд. теңге ($11 млн.) көлемінде кредиттер бөлді:

1) «Бизнестегі арулар» бағдарламасы бойынша кредит беру 2 млрд. теңгеге ($6,6 млн.) жуық қаражат;
2) Кіші, шағын және орта бизнес бағдарламасы бойынша 1,5 млрд. теңге ($4,4 млн.)

«Бизнестегі арулар» бағдарламасын ЕҚДБ мен Қазақстан Республикасының үкіметі бірлесе қаржыландырады. Бағдарлама әйел кәсіпкерлер басқаратын кіші және шағын кәсіпорындарға қаржыландыруды, ноу-хау және кеңестер ұсынады. Әйелдердің экономикадағы рөлін арттыру ЕҚДБ инвестиция жасайтын елдердің экономикалық тұрақтылығын қамтамасыз етудің басты элементі және ең басты үш стратегиялық басымдықтарының бірі болып табылады.

Шағын, кіші және орта бизнес бағдарламасы - Қазақстандағы кәсіпкерлікті қолдау жөніндегі маңызды бағдарламалардың бірі.

160 мыңға жуық кәсіпкер-клиенттері бар Қазақстандағы аса ірі микроқаржылық ұйым болып табылатын KMF компаниясы бағдарламаның басты серіктесі болып табылады. Берілген қаражат қазақстандық кәсіпкерлерге, әсіресе республикамыздың шалғайдағы ауылдарындағы шағын кәсіп иелеріне қолжетімді микрокредит алуға мүмкіндік береді.

Бір жыл бұрын «Бизнестегі арулар» бағдарламасы бойынша 3,8 млрд. теңге көлемінде KMF-ке берілген қаражат табысты игеріліп, әйел-кәсіпкерлерге 9 798 кредит берілген болатын.
Кредиттік келісімге ЕҚДБ Президенті Сэр Сумо Чакрабарти мен КМF Басқарма Төрағасы Шалқар Жүсіпов қол қойды.

«Біз арулардың басқаруындағы шағын кәсіпорындар мен компанияларға қолдау көрсету үшін KMF-пен бірлесе жұмыс жүргізгеніміз үшін өте қуаныштымыз. Біздің KMF-пен көп жылдар бойы жүргізілген серіктестігіміздің нәтижесінде осы жобаның негізі қаланды, нәтижесінде Қазақстандағы әйел кәсіпкерлігі алға жылжып, шағын және кіші компаниялар қолжетімді қаражатқа қол жеткізіп отыр», - деді Сэр Сума Чакрабарти.

«Осы келісімге қол қою арқылы біз кіші және шағын бизнесті қаржыландыру көлемін белсенді түрде арттыратын боламыз,айта кетерлігі бизнестің бұл түрлерінің басым бөлігі ауылды жерде орналасқан. Аталмыш санаттағы кәсіпкерлердің кредиттік қаражатқа сұранысының артуы байқалады, оны KMF-тің кредиттік портфелінің өсу динамикасынан көруге болады, мәселен 2017 жылдың басынан бастап, кредиттік портфеліміз 16 млрд. теңгеге немесе 31%-ға өсіп отыр», - дейді Басқарма Төрағасы Шалқар Жүсіпов.

Бүгінгі күнге ЕҚДБ Қазақстан экономикасына 7,2 млрд. евро ($8 млрд. астам эквивалентте) қаражат инвестициялады. Еліміздегі банк жұмысы макроэкономикалық сын-тегеурінге әрекет жасай алатын және халықаралық деңгейде бәсекелесе алатын әртараптандырылған экономиканы құруға бағытталған.

?>Сұрақ қою
Резюме жіберу
resume
success