cancel
KMF МҚҰ
KMF МҚҰ қосымшасында ашу
Жүктеу

Бір сиырмен бастадым". Сауыншыдан кәсіпкерге айналған Күлшат Абдуллақызы өз оқиғасын айтты

Бір сиырмен бастадым". Сауыншыдан кәсіпкерге айналған Күлшат Абдуллақызы өз оқиғасын айтты
БАҚ біз туралы

Дәл қазір бүкіл әлем, адамзат бар назарын денсаулыққа бұрып, ең басты байлықтың не екенін енді ұққандай. Ал денсаулықтың мықты болуына ықпал ететін ең басты дүниелердің бірі – табиғи, таза тағам. Сол үшін де, қазіргі заманда табиғи өнім, химиялық қоспасыз тағам дегеніміз қазынамыздың біріне айналды. Ал, Қазақстан Республикасының Президенті Қасым-Жомарт Тоқаев биылғы Халыққа Жолдауында сол қазынаға қол жеткізудің тетіктерін атап өтті.

Экономикамыздың күретамыры, халықты таза табиғи азық-түлікпен қамтамасыз ете алатын жалғыз арна – ауыл шаруашылығы. Бұл саланы барынша қолға алып, дамыту керегін Елбасы да, Тоқаев та үнемі айтып келеді. Ал, биыл 1 қыркүйекте жария болған Жолдауда Президент Тоқаев бұл мәселені шешудің бір жолы ретінде микроқаржы ұйымдарының жұмысын іске қосуды атап өтті.

«...Жалпы сомасы 6,3 триллион теңге жұмсалған дағдарысқа қарсы шаралар жүзеге асырылғаннан кейін экономикамызда артық ақша пайда болды. Алайда, бүгінгі таңда бөлінген қаржы әлі бармай жатқан салалар бар. Екінші деңгейдегі банктер шағын жобаларға, әсіресе ауылға арнап ақша салмайды.

Сондықтан, микроқаржы ұйымдарының әлеуетін іске қосу керек. Олар жергілікті жерде жұмыс істейді. Өзінің тұтынушыларын, олардың бизнесі мен мүмкіндіктерін жақсы біледі», - деді Президент.

Расында да, микроқаржы ұйымдарының басты мақсатының бірі – ауыл халқын, ауылдағы кәсіпкерлерді қаржыландыру. Мысал ретінде, Орталық Азия мен Қазақстандағы ең ірі микроқаржы ұйымы KMF туралы айтуға болады. Нарыққа 24 жыл бұрын келген бұл ұйымның жалпы кредит портфелінің 130 миллиард теңгеден астамы кәсіпкерлерге берілген. Ал, жалпы клиенттерінің 68 пайызы – ауыл адамдары. Сонымен қатар, KMF-тің қаржыландыруымен кәсібін дөңгелеткен іскер отандастырымыз 183 мыңнан аса жұмыс орынын ашса, 90 мыңнан аса адамның кіріс көзі бүгінде мал шаруашылығы мен егіншілікте. Солардың бірі - Күлшат Мирманқулова.

Күлшат Абдуллақызы – Түркістан облысы, Қазығұрт ауданы Жігірген ауылының тұрғыны. Ол осыдан 5 жыл бұрын KMF микроқаржы ұйымында 150 мың теңгеге микрокредит рәсімдеп, бір сиыр сатып алған. Ал, қазір ірі қараның саны 50-ден асыпты.

«KMF-тен ең бірінші рет 150 мың, одан кейін 300 мың, 500 мың, 700 мың, 1 миллион, 1 миллион 800 мың, жақында 2 миллион теңге алдым. Бұл қаржының барлығын тек кәсіпке салдым. Бастапқыда бір сиыр, кейін екі, содан он басқа дейін жеткіздім. Кейіннен бұқа өсірумен айналыса бастадым, арасында асыл тұқымдылары бар, алдағы уақытта олардың санын 100-ден асыруды жоспарлап отырмын», - дейді Күлшат Абдуллақызы.

Жас күнінде фермада сауыншы болған ол мал шаруашылығының қыр-сырын жақсы меңгеріп, кәсібіне айналдыруға бел байлаған. Ал, қазір әр жануарға баласындай қарап, қорасын толтырып отырғанын айтады.

«Бұлар да бала сияқты, жем-шөбін тауып, қарынын тойдырасың, қора салып, тоңбасын дейсің, ауырып қалса емдейсің, бағасың. Тынбай еңбектену керек, сонда ғана кәсібің жүреді. KMF-тің арқасында және алған ақшаны мақсатты жұмсаудың арқасында мал басын күннен-күнге арттырып, үйімізді салып, қора-жайды жаңалап, жағдайымыз жақсарды. Қазір мал шаруашылығымен айналысудың қыр-сырын баламызға үйретіп, біртіндеп қолына алып жатыр. Отбасы мүшелері де көмектесіп тұрады, немерелерім әр малдың мінезіне қарап, ат қояды. Бізде бірі «тентек бұқа» болса, енді бірі «жалқау бұқа», - деп күледі Күлшат Абдуллақызы.

Малды өсіріп, таза етті саудаға шығарудан бөлек, бірнеше адамға жұмыс беріп отырған кәсіпкер ана ауыл шаруашылығын дамытудың маңызын әр адамның білгені дұрыс деп есептейді.

«Таза ет, табиғи сүт өнімдері мұның барлығы таптырмас дәрумен, денсаулыққа күш беретін құдырет. Сондықтан, бұл секторды дамытуға ат салысып, кәсіп үшін кредит алудан қорықпау керек. Қажет кезде еңбегінің ақысын төлеп, бірнеше адамға жұмыс беріп жатамыз, ауданға табиғи таза ет жеткіземіз. Мұның барлығы жеке бастың ғана емес, елдің экономикасына да қосылған үлес деп ойлаймын», - дейді Күлшат Мирманқулова.

Ауыл шаруашылығы немесе кәсіптің өзге де түрімен айналысқысы келетіндер аз емес, алайда көп жағдайда банктер несие беруден бас тартып жатады. Мұндай жағдайда не істеу керегі туралы бұған дейін жазған едік:

Кепілдікке – адамгершілік: Банк кредит бермесе, ақшаны қайдан алуға болады?

Бизнеске немесе тұтынушылық мақсаттарға арналған микрокредиттер туралы kmf.kz сайтынан немесе ұялы телефоннан тегін қоңырау шалуға болатын 7474 номерлі байланыс орталығынан білуге болады.

Тағы оқыңыз
news
Жаңалықтар
27.03.2024
Техникалық жұмыстар
Құрметті клиенттер,

Техникалық жұмыстарға байланысты 27 наурыз сағат 22.00-ден 28 наурыз сағат 01.00-ге дейін 7474 желісі қолжетімсіз болады.
Кеңес алу...
Толығырақ
news
Жаңалықтар
04.03.2024
7474 байланыс орталығы қайтадан іске қосылды
Уақытша болған ыңғайсыздық үшін кешірім сұраймыз
Толығырақ
news
Жаңалықтар
01.03.2024
KMF пен JICA микробизнесті қаржыландыруға 50 миллион доллар бөледі
KMF компаниясы жапондық халықаралық ынтымақтастық агенттігімен (Japan International cooperation Agency, JICA) заем туралы келісімшарт жасасты
Толығырақ
news
Жаңалықтар
28.02.2024
Техникалық жұмыстар
Құрметті клиенттер,
Жоспарлы техникалық жұмыстарға байланысты 29 ақпан сағат 22.30-дан 1 наурыз сағат 00.00-ге дейін (жаңа уақыт бойынша) KMF-тің...
Толығырақ
news
Жаңалықтар
05.12.2023
Талдықорғандық кәсіпкер әйел су жаңа автокөлік ұтып алды
Кәсібін нөлден бастап, үлкен жетістікке жеткен бизнес иелері еліміздің түкпір-түкпірінде кездеседі
Толығырақ
news
Жаңалықтар
02.10.2023
KMF қымбатты достарға құнды жүлделер табыс етеді!
KMF топтық микроқаржыландыруға қатысушы клиенттеріне бағалы сыйлықтар мен жағымды бонустар сыйлайды.
Толығырақ
news
Жаңалықтар
04.09.2023
Өнімдер тізбесіндегі өзгерістер

Сүйікті клиенттер!

Бізде өнімдер тізбесі мен микрокредиттердің атаулары жаңарды.
Толығырақ
news
Жаңалықтар
21.08.2023
Fitch KMF-ке «Тұрақты» болжамымен «B+» рейтингін растады

Fitch Ratings «Тұрақты» болжамымен «B+» деңгейінде «KMF (ҚМФ)» микроқаржылық ұйымы» ЖШС эмитент дефолтының ұзақ мерзімді рейтингін («РДЭ») растады....

Толығырақ
news
Жаңалықтар
10.08.2023
KMF клиенттері арасында миллион ойнатады

KMF шағын және орта бизнесті қолдап, дамыту мақсатында KMF-Qoldau атты науқанды бастады, оның шеңберінде ақшалай жүлделер ойнатылады. Науқанға қатысу...

Толығырақ